do = g; BL 163
1. Mardalan au sonari, hu hasonangan in.
Sai lambin roh dohorni, au on bai ari in.
Humbai na daoh huidah, lihar ianan in.
Sai sonang do sidea, na dob ondos hujin.
2. Buei do halilian i tongah dalan in;
Podas do au mardalan hu hasonangan in.
Buei do hasunsahan na manlioti au;
Hubontas parmaraan, mardingat Jesus au.
3. Itompas milas ari ijomba udan au;
Hotop huhabiari na mangonggopi au;
Matangku sai manatap bai situjuankin;
Ganup na huparsinta, sirsir i surga in.
4. Malas tumang uhurhu, ’ge hanar imbangkin;
Sai Jesus hasomanku, baen hatundalankin.
Sai Ia do manogu arian, borngin pe;
Tenger tumang uhurhu, hu surga au use.
5. Hugolom bai uhurhu silang ni Tuhankin;
Sai in sijolomanku, sai in haposankin;
Ai domma saud itobus Tuhanku tonduyhin;
Ai Ia do paondos hu surga langkahkin.
6. Tenger tumang uhurhu bai pardalanankin;
’Ge bois pe hosahku, sai ondos au hujin;
’Ge loja ari-ari bai pardagangan on,
Hape santongkin nari sai sonang au tongtong. |