Sedang (sakkiting) do = es ¼
Ciptaan: Taralamsyah Saragih
1.Tarsunggul au tanoh hasusuran
Simalungun na loppou jenges
Simada tunggung
Dolog riris marsikawahan
Talunni pe appar do songon
Apei nabayu ……
Nai do homa suan-suanan
Tabun mombur bai passarian
Na so mahoyu
Ref. Andigan au mulak hu Simalungun,
Manjalo tuah bolon, hidorat na rugun?
Hadap marlajang pe au
Ham do rupei na ottou
Mulak pe au, Simalungun ou!
2. Masa tene parana, anakboru nahinan
Na maruppasa, ‘ge martalimbun
Dodingni pe lampot malungun
Pataridah goluhni adat
Na so taruyun
Gulani pe sirsir maringgou
Pataridah manoh nahinan
Abak na so sormou ……
Ref. Andigan au mulak hu Simalungun,
Manjalo tuah bolon, hidorat na rugun?
Hadap marlajang pe au
Ham do rupei na ottou
Mulak pe au, Simalungun ou!