do = es; BL 206
1. Ham o Tonduy Napansing in, masuki uhurnami bei,
papansing uhurnami.
Ham sondang na hun surga in, sondangi uhurnami bei,
pamalas uhurnami.
Ase masa gabe Hata-Mu ma dalanonkon nami,
uhur-Mu ma hubannami.
2. Ham do sibere uhur in, bai ganup na porsaya in,
tumpaki uhurnami.
Patoguh uhurnami rup, padas Ham hata-Mu ganup,
hu bani huannami.
Sai totap ma Ham mambere paruhuron, hatuahon,
Goran-Mu do sipujion.
3. Pagogoh Ham hanami rup, lao mangirikkon hata-Mu,
bai pardalanannami.
Haporsayaonnami pe tambahi Ham, ge naha pe,
na sahit roh bannami.
Pingkir, tungkir, dirinami, sai pasonang uhurnami,
ase monang tong hanami.
4. Puhoi uhurnami on ‘se tong gogoh hanami on,
manlawan dousanami.
Patenger uhurnami on, sonai `ge tonduynami on,
bai parlawanannami.
Goki, goki uhurnami ‘se ringgas ma mangambungkon,
rayoh pakon halengahon.
5. Ham batu gingging na toguh, na patut palas na botul,
pajonam uhurnami.
Bai Hata hasintongan in, sai ulang dong na kahou in,
‘ge sada pe hanami.
Bere uhur na toguh janah bujur laho mamuji,
Jesus Kristus Tuhannami.
6. Pangapoh na hun surga in, sogopi uhumami in,
sai damei-Mu bannami.
Papandei Ham hanami on, mamboan uhur na holong,
hubai hasomannami.
Ulang masa tinggil, domdom, ase tong sonang hanami,
mandalani dalannami.
7. Papansing Ham hanami on, sai uras Ham hanami tong,
sorapi uhurnami.
Tanggali hun bannami on, pamisir dousa in tongtong,
na mangagou hanami.
Togu tonduy bai na sonang, na i babou, mangarapkon,
hagoluhan hasonangan. |