do = bes; 4 ketuk; BL 156
1. Manjaga ma hanima na bujur uhur in;
Nahiti suluh nima ai roh ma borngin in.
Na roh ma Siparunjuk bai tunangan-Ni in.
Na tong mangkasiholi Parunjukon-Ni in.
2. Pasirsir suluh nima, gok minak bahen in.
Managam Tuhannima siboba tuah in!
Ai na manjaga Sion do na mandilo ham;
Dohor ma hatuahon, roh ma Rajamu bam.
3. Hanima na maruhur, padurgak ma lah bam.
Dodingkon haleluya, marsurak nasiam!
Ungkap do tong horbangan, sirsir ma horja in.
Sai masuk ma ganupan rap pakon Raja in.
4. Barah ma roh Tuhanta marjaga nasiam;
Tangihon golpa-golpa, na dob ibogei ham!
Melele siang ari, lao ma na golap in;
Dohor ma panorangni, lihar ma ari in.
5. Nasiam na holong uhur bai huta Sion in.
Sai roh ma bai Rajamu, malas ma uhurmin!
Ai ari hamegahon na jumpah ma nuan.
Janah ganup tunangan, parrudangan-Ni ma.
6. Na tahan in manaron ganup na sahit in.
Silawan hajahaton ampakon dousa in.
Manggoluh ma hanima anjaha manrajai!
Rap ampa Tuhannima marsangap ma ijai.
7. Ijon do lambei gorsing hamonangan-Ni in.
Ijon hiou na pansing, hapintoron-Ni in.
Ijon do hadameion ni na maruntol in.
Ijon do hagoluhan ni na binunuh in.
8. Ijon do huta Sion ianan na dear.
Na gok hamuliaon na jenges, na talar;
Ijon alaman omas, ijon ma horja in.
Sirsir sortali omas bai tunangan-Ni in.
9. O Jesus, hamegakon, papodas Ham ma roh.
Seng tahan au manaron, seng sonang au ijon.
Bai tanoh paruntolon, na i dunia on;
Ham do ihasiholhon uhurhu sai tongtong. |