133. Holong do Atei

Doding Haporsayaon >>

do = d; 3 ketuk
1. Holong do atei ni Naibatangku
parholong atei mangidah au.
Ai ipasirsir do haluahonku
marhitei Jesus Anak-Ni in. 

2. Tarsangkut ahu ibahen dousa ,
hape idingat Tuhanku au.
Ai do ‘se ningku tong:
Holong do atei ni Naibatangku mangidah au.

3. Tibal do ahu bai hamateian,
hape itatap Tuhanku au,
Ai do ‘se ningku tong:
Holong do atei ni Naibatangku mangidah au.

4. Na roh do Jesus pardameianku,
Parmahan Banggal na bujur in.
Ai do ‘se ningku tong:
Holong do atei ni Naibatangku mangidah au.

5. Itaron Jesus do hamateian,
manggalar utang ni dousangkin.
Ai do ‘se ningku tong:
Holong do atei ni Naibatangku mangidah au.

6. Manggoluh ahu binaenni Hata
ni Tuhan Jesus bai tonduyhin.
Ai do ‘se ningku tong:
Holong do atei ni Naibatangku mangidah au.

7. Hagoluhanku tongtong Hata-Ni,
sombuh horahku binaen ni in.
Ai do ‘se ningku tong:
Holong do atei ni Naibatangku mangidah au.

8. Tobu do holongni Tuhanku,
na pasabouhon paruhurhon.
Ai do ‘se ningku tong:
Holong do atei ni Naibatangku mangidah au.

9. Ai ipamalum haholongon-Ni
ganupan sahitni uhurhon.
Ai do ‘se ningku tong:
Holong do atei ni Naibatangku mangidah au.

10. Marmalas uhur jaha gok damei,
do au ibahen holong-Ni in.
Ai do ‘se ningku tong:
Holong do atei ni Naibatangku mangidah au.

11. Sai teanonku do hasonangan,
ronsi sadokah-dokahni in.
Ai do ‘se ningku tong:
Holong do atei ni Naibatangku mangidah au.

12. Sai pujionku do uhur holong,
ni tinuduhkonni Naibata.
Ai do ‘se ningku tong:
Holong do atei ni Naibatangku mangidah au.

 

Syair: Gott ist die Liebe, August Rilcke, 1853; Lagu: Jerman (Thuringen), 1840; KJ 381 – Yang Mahakasih
<< 132. Ai Ambit Lang do Ham 134. Ambit Lang Ham Rupeihu, ale Jesus >>