do = f
1. Megah tumang uhurhu, roh ahu sogod on.
Mamuji Naibataku, sijaga goluhkon.
Ham do bai hotak in tong do sol pujionku,
Janah pasangaponku marhitei Jesus in.
2. Sagala habiaran na bajan haganup,
Daoh do in na borngin ibahen holong-Mu.
Mangindo au nuan: Sai sasap Ham dousangku,
ganupan parlahouhu, sogam ni uhur-Mu.
3. Parorot Ham ma ahu age sadari on,
Sibaen hasusahanku padaoh Ham tongtong.
Iankon Ham au on, patorsa Ham langkahku,
Padaoh Ham sosakku, Bamu ma hosahkon.
4. Tonduyhu, pamatangku rap ampa uhurhon,
Ampakon hasomanku na idunia on,
Sai ondos ma Bamu sagala na dong bangku;
Ganupam sinaringku, sibere-bere-Mu.
5. Hatahon Ham malekat, tongtong i lambungkon.
Ai ningon hupabulat Bamu pa tonduyhon.
Ai tong sibolis in roh manggompangi au,
Ase ihutkononku mambahen dousa in.
6. Marguru bai Tuhanku ma au bai haganup.
Itogu Naibatangku ma au bai na talup.
Sai pasu-masu Ham binahen ni tanganku,
Ganup hinorjahonku o Tuhan Naibata.
7. Sonari ningku: Amen, tenger ma uhurhin,
Tuhanku mamberehon, na hupindohon in.
Lao misir au nuan hubani lahoanku,
Sai Jesus hasomanku, sonang do au ijin. |