| do = f; BL 176
1. Ale Tuhan Bapa nami na marholong atei in.
Suruh Ham ma hu bannami Tonduy-Mu Na Pansing in.
Ham pabayu tonduyhin jadi rumah-Mu ma in.
Tangar Ham pangindoanku holong atei-Mu hu bangku.
2. Lang adong hagoluhanku anggo seng roh Tonduy-Mu,
marianan bai uhurhu ase tong margogoh au.
Mandalankon hata-Mu manghormati goran-Mu;
Ai tongtong golap uhurhu Ham hansa palihar ahu.
3. Ai hunja ma tandaonku Ham, o Jesus Tuhankin?
Tor ija ma akuonku: Ham do hagoluhankin,
anggo seng roh Tonduy in paliharhon uhurhin?
Ai pe Ham ma marsuruhsi ase roh bangku hata-Ni.
4. Arta na tongtong manahan sadokah ni dokahnin.
Ningon Ham do manlayakkon janah mamberehon in.
Ham Tonduy ni Naibata, halanin tangihon Ham.
Hata ni pangindoanku sai masuki Ham uhurhu.
5. Patandahon Ham hu bangku dousa na ponop homa.
In do tong manirang ahu humbai Tuhan Naibata.
Ase husopothon in bai Tuhanku Jesus in,
gabe au marhaluahon humbai dousa haganupan.
6. Tonduy, ajar Ham ma ahu janah togu-togu ma,
ase ahu marparlahou na mapansing na tama.
Sai pabujur uhurhon manangihon Ham tongtong.
Ase anggo roh ajalhu, tangan-Mu manogu ahu. |