|
Doding Parunjukan
do = c 2 ketuk
1. Martuah do hasoman na sajabu, marhasomankon Tuhan Jesus in
Na mangirikhon Jesus sai maradu, na so marholang na martonggo in
Ai sai tong do holong atei Ni Bani, manungkun rosuh ni uhur Ni in
Janah tongtong manungkun bai hataNi, ibaen ganupan parlahouni in.
2. Martuah ma naboru ‘ge dalahi, sisada uhur bani Jesus in.
Na rap marholong atei bai Tuhanni, na marujahon hatuahon in.
Niondoskonni holong ni atei-Ni hu bani halak na porsaya in,
In do hatengeran ni uhurni, barang sonaha pangandungan nin.
3. Martuah na satangga pangajari, bai dakdanakni ase tong bujur
Na so marparontian mamodahi, lao manonggohon haganup bujur
Hubani Jesus ase tong Tuhanni, ma masu-masu haganupan in
Janah ibere holong ni ateiNi, mambobanhonsi hu lambung-Ni in.
4. Martuah do ganupan na sajabu, na malas uhur tong ibagas Ham.
O Jesus, na rosuh mamasu-masu parholong atei in ibagas Ham.
Martuah ma tongon ganup sidea, age mardondon hasunsahan pe;
Ao sai iapoh ham tongtong sidea, ronsi itogu Ham hu rumah-Mu. |